२०१९ आषाढी शिवरात्र दिनांक, मुहूर्त, तिथी व त्याचे महत्व


आषाढी शिवरात्र २०१९ 
जेथे भगवान श्रीशंकर ह्यांना संपूर्ण आषाढ महिना प्रिंय असतो तेथे शिवरात्री बद्धल काय बोलावे 
तसे पाहू गेल्यास प्रत्येक महिन्यात अमावस्येच्या एक दिवस आधी शिवरात्र येत असते, त्यात सुद्धा दोन शिवरात्रीस फार महत्व आहे. त्यात प्रामुख्याने माघ महिन्यातील शिवरात्र व आषाढातील शिवरात्र. भगवान श्रीशंकर हे परम दयाळू असून त्यांचे पूजन केल्याने ते लगेचच भक्तांवर प्रसन्न होतात. म्हणूनच श्रद्धाळू भक्त उपास व शिवलिंगाचे पूजन करून त्यांच्याकडे आपल्या मनोकामना पूर्ततेची प्रार्थना करतात. ह्या वर्षी २०१९ ला आषाढातील शिवरात्र हि ३० जुलै रोजी साजरी केली जाईल. 

आषाढ शिवरात्रीचे विशेष महत्व 
आषाढ महिना हा भगवान श्रीशंकर ह्यांना अत्यंत प्रिय असल्याने ह्या संपूर्ण महिन्यात त्यांचे पूजन केले जाते. त्याचमुळे ह्या महिन्यातील शिवरात्रीचा महिमा काय आहे याचा अंदाज घेता येतो. ह्या दिवशी श्रद्धाळू भक्त उपास करून भगवान श्रीशंकर ह्यांचे पूजन करून त्यांच्या कृपा प्राप्तीसाठी प्रार्थना करतात. श्रद्धाळू भक्त ह्या दिवशी हरिद्वार, गौमुख व गंगोत्री, काशी विश्वनाथ, सुल्तानगंज इत्यादी ठिकाणाहून पवित्र गंगाजळ आणून शिवलिंगावर अभिषेक करतात. 

श्रद्धाळू कावडीतून पाणी घेऊन जातात
आषाढात श्रद्धाळू भक्त कावडीतून सुद्धा पाणी घेऊन भगवान श्रीशंकर ह्यांच्या पूजनास जातात. कावडीतून पाणी नेऊन शिवलिंगावर अभिषेक करण्याची प्रथा खूपच जुनी असून अनेक ठिकाणी भक्तगण कावड भरून पाणी घेऊन जात असतात. असे असले तरी झारखंड मधील देवधर स्थित बाबा वैद्यनाथधाम ह्याचे विशेष महत्व आहे. येथे निव्वळ आपल्या देशातूनच नव्हे तर विदेशातून सुद्धा भाविक हे भगवान श्रीशंकर ह्यांचे पूजन व अभिषेक करण्यास येत असतात. 

शिवपूजनास लागणारी सामग्री 
शिवपूजनात शुद्ध पाणी, दूध, दही, मध, गुलाबपाणी, धोतऱ्याचे फुल, भांग इत्यादींचा उपयोग होतो. 

शिवपूजना दरम्यान हे करू नये  
- काळे वस्त्र परिधान करून कधीही शिवलिंगावर अभिषेक करू नये. 
- शिवलिंगावर अभिषेक केल्यावर प्रत्येक मंदिरात हे पाणी बाहेर जाण्यासाठी व्यवस्था केलेली असते, ह्यास कधीही ओलांडू नये. 
- शिवलिंगावर तुळशीपत्र वाहू नये. 
- शिवलिंगावर सेंदूर, तीळ व हळद सुद्धा वाहू नये. 
- ह्या दरम्यान तोंडाने कोणताही अपशब्द बोलू नये व मनात सुद्धा अपवित्र विचार येऊ देऊ नयेत. 

आषाढ शिवरात्र २०१९ 
३० जुलै, मंगळवार 
पूजा मुहूर्त 
निशित काळ पूजेची वेळ - २४.०६ ते २४.४९. 
अवधी - ४३ मिनिटे 
३१ जुलै शिवरात्री पारण वेळ - ०५.४६ ते ११.५७.