आपल्यासाठी राशी भविष्य

जन्मकुंडलीबद्दल

आकाशस्थ ग्रहांच्या नकाशाला वैदिक ज्योतिषशास्त्रात जन्मकुंडली असे म्हणतात. वैदिक ज्योतिषशास्त्र हे पराशर मुनींनी हजारो वर्षांपूर्वी लिहिलेल्या ' बृहत पाराशर होराशास्त्र ' ह्या प्राचीन ग्रंथावर आधारित असून जन्मकुंडली हा त्या शास्त्राचा आधारस्तंभ आहे. पराशराला ज्योतिषशास्त्राचे जनक मानले जाते. एका विशिष्ट ठिकाणाहून एका विशिष्ट वेळी आकाशात पाहिल्यावर दिसणारी ग्रहस्थिती जन्मकुंडलीत दाखवलेली असते. वेगळ्या भाषेत सांगायचे झाले तर, जन्मकुंडली हे जन्माच्या वेळी असणाऱ्या ग्रहस्थितीचे चित्ररूप वर्णन असते. समोरील व्यक्तीच्या आयुष्याचे आणि भविष्यकाळाचे सूचन करण्यासाठी ज्योतिषी एकतर जन्मकुंडली (जन्माच्या वेळचा ग्रहांचा नकाशा ) वापरतो नाहीतर प्रश्नकुंडली (ज्या वेळेला प्रश्न विचारला असेल, त्यावेळेचा ग्रहांचा नकाशा) वापरतो. ती कुंडली हाच ज्योतिषशास्त्रीय भविष्यकथनाचा पाया असतो. कुंडलीचे अस्तित्व गणिती तत्वांवर आधारलेले असते, म्हणूनच त्यावरून केलेले भविष्यसूचन बहुतेक वेळा अचूक येते. विवाहेच्छू वधू वरांची अनुरूपता देखील कुंडलीच्या आधारे तपासून पाहिली जाते. व्यवसाय किंवा इतर कोणतीही गोष्ट नव्याने सुरु करण्यासाठी, त्याप्रमाणेच शुभकार्यासाठी सुद्धा योग्य मुहूर्त शोधण्यासाठी कुंडलीचा वापर मोठ्या प्रमाणावर केला जातो.